Tenisti zviceran, Roger Federer, bën mrekullinë dhe bëhet kampioni i turneut Australian Open në tenis. Federer, tenisti më i miri në botë, mrekulloi me lojë dhe ka qenë bindshëm më i mirë se Andy Murray, duke e mposhtur ne rezultat 3:0 në sete (6:3, 6:4, 7:6 -13:11). Roger Federer furishëm e nisin setin e parë të ballafaqimit ndaj britanikut. Zvicerani aplikoi lojë mjeshtërore dhe fitoi setin e parë me shifrat 6:3. Në setin e radhës, Federer prapë më i mirë dhe vazhdimisht në epërsi. Murray assesi të gjejë formulën e pikës së dobët të Federerit. Zvicerani gjithnjë luante mirë dhe çdo goditje e jepte me saktësi. Setin e dytë e fitoi me 6:4 Federer. Seti i fundit ka qenë shumë më interesante për faktin se britaniku këndellet sadopak dhe sfidoi Federerin. Epërsia 2:5 në set në favor të Murray aspak nuk e demoralizoi njëshin e botës.



Federer kthehet në lojë dhe barazon shifrat 5:5, duke e fituar takimin me shifrat 7:6 (13:11). Për Federerin është titulli i 16-të ‘grand slam’, duke përfshirë edhe titujt e mëparshëm të Australian Open në vitet 2004, 2006 dhe 2007) pas 22 finaleve të luajtura. Ky tenist dëshmoi se është pa konkurrencë dhe qysh në fillim të këtij turneut ishte konsideruar favorit dhe këto parashikime dolën të sakta. Më një fjalë, mjeshtri zviceran i tenisit bëri mrekullinë edhe në Australian Open duke dëshmuar superioritetin e tij.