Skiatori shqiptar, Erjon Tola, që është nga Tirana, do të jetë i vetmi shqiptar që do të marrë pjesë në Lojërat Olimpike dimërore, të cilat mbahen 12-25 shkurt 2010, në Vankuver te Kanadasë. Sipas mediave shqiptare, Shqipëria merr pjesë për herë të dytë në historinë e Lojërave Olimpike Dimërore, ku do të përfaqësohet në “Vankuver 2010” vetëm me skiatorin Erjon Tola. 23-vjeçari aktualisht jeton dhe stërvitet në Cervino të Italisë. Tola do të garojë në sllallomin e madh, sllallomin e kombinuar dhe të sllallomit të lirë. Skiatori Tola është mirë i përgatitur dhe pritet një paraqitje dinjitoze në Lojërat Olimpike Dimërore.