Trajneri i Milanit, Leonardo e ka pranuar se Interi luajti më mirë dhe ishte shumë më i fortë se skuadra e tij. Ai në asnjë mënyrë nuk e ka minimizuar fitoren shumë të pastër që ka arritur Interi. “Fillimi i takimit ishte shumë i mirë për Interin, gjë që na vuri në vështirësi për të sulmuar. Me daljen e Sneijderit loja ndryshoi, por ne nuk ishim të mirë.

Ne e mbajtëm shumë topin dhe ishim tejet të ngadalshëm, tentuam të ndryshojmë lojën e cila përfundoi së luajturi në mënyrë defensive. Ky Inter është shumë i fortë. Këtë e kemi ditur. Loja jonë nuk do të ndryshoj përkundër humbjes. Filozofia jonë nuk do të ndryshoj dhe humbja nuk do të ndikoj në moralin tonë”, tha Leonardo.