Michael Schumacher do të luftojë për titullin e kampionit në vitin 2010. Ai është i bindur se do të realizojë qëllimin e tij që ka vënë para vetes. Mercedes GP do të tentojë të fitojë titullin kampion në vitin 2010 me njëvendëshen MGP W01 që do të drejtohet nga Michael Schumacher e Nico Rosberg. Makina gjermane ka kaluar kolaudimet e fundit duke u prezantuar në Shtutgart. “Ështe një fillim i ri dhe jam më shumë se i motivuar. Skuadra është e shkëlqyer dhe mund të luftojë për titullin. Unë do të bëj të pamundurën”, tha Schumaher, që është shtatë herë kampion bote. “Të jesh pjesë e shigjetave të argjendta është shumë domethënëse sepse kjo është një shtyese për të qenë gjithmonë në krye”, theksoi Michael Schumacher. Ndërkaq, Rosberg nënvizon se ky është realizimi i një ëndrre për të.

“Jam i lumtur që do të punoj me njerëz si Norbert Haugh, Ross Brawn dhe Nick Fry. Do të jetë një kampionat i madh”, tha Rosberg. Krahas tyre, me nota optimist është shprehur edhe Ross Brawn. “Besoj se për mua do të thotë shumë. Një e nesërme e mrekullueshme për skuderinë tonë edhe pse një vit më parë nuk kishte te ardhme. E rëndësishme është që më në fund kemi rikthimin e një ikone të vërtetë si Mercedes. Kam pasur shumë privilegje në karrierën time por është shumë e veçantë të jesh pjesë e këtij projekti”, tha shefi i skuderisë gjermane.