Jose Mourinho është shumë i lumtur për fitoren që arriti skuadra e tij, Interi, me rezultat 2:0 kundër rivalit të përjetshëm vendas, Milanit. Strategu i njohur Mourinho si gjithmonë është specialistë për t’i mposhtur të fortit. Skuadra e Mourinhos megjithëse luajti pa një futbollist nga minuta e 25-të, kur ishte përjashtuar Sneijder, ata vazhduan mbizotërimin mbase edhe në minutën e 90-të ishin me nëntë futbollistë, kur përjashtohet edhe Lucio. Interi dëshmoi superioritetin dhe është afër titullit të kampionit. Mourinho, pas ndeshjes ka qenë tepër i lumtur më këtë fitore të madhe dhe që i ka krijuar 9 pikë epërsi nga përcjellësi, Milani. “Ne ua mbyllëm gojën të gjithëve.

Ne do të mund të humbnim vetëm nëse do të mbeteshim me gjashtë futbollistë, pasi që edhe me shtatë do të fitonim. Ndeshja e ëndrrave? Jo. Ndeshje e ëndrrave është kur ju luani mirë, skuadra kundërshtare luan mirë dhe gjyqtari është në rregull. Gjatë kësaj ndeshje Interi ishte i limituar në futbollistë. Që nga fillimi treguam se jemi më të fortë në gjithçka. Ishte lojë që u fitua lehtë. Leonardo pranoi superioritetin tonë. Nuk kam dyshuar se Leonardo është i madh. Goli i Pandevit? Ishim me fat, ai ishte gati për tu zëvendësuar. Unë gjithnjë them, më mirë një trajner me fat. Futbolli ka gjithnjë fatin e vet. I falënderohem zotit që nuk mbaruam me gjashtë futbollist, ky është fat. Nuk desha të protestoj pasi që është dashur të ftoh Sneijderin. Dalja e tij ishte e keqe pasi që ai pati të bëj me Pirlon. Kampionati tani pothuajse e kemi fituar, për këtë nuk dyshoj”, tha Mourinho.