Kryetari i Aleancës për Ardhmërinë e Kosovës (AAK), Ramush Haradinaj ka bërë të ditur të hënë se komplet dega e Lidhjes Demokratike të Dardanisë në Kaçanik, ka kaluar në AAK.

Sipas Haradinjat një pjesë e spektrit të djathë politik është bashkuar për t'i dhënë Kaçanikut një opsion më të mirë të qeverisjes dhe ky opsion është kalimi në AAK.

"Kjo ngjarje e sotme nuk është ndonjë risi edhe pse është bërë më shumë zhurmë, kjo është në vazhdim, gjatë procesit zgjedhor në zgjedhjet komunale, një pjesë e spektrit të djathë politik është bashku më i dhënë Kaçanikut një opsion më të mirë se sa gjendja e sotme qeverisëse, rezultat i këtij bashkimi, duke parë gjendjen në Kaτanik, e kanë vendosur më vazhduar së bashku. Pra aktivistët që i shihni prezent nga spektri i djathë politik, kanë vendos më qenë së bashku dhe më vazhduar aktivitetin politik së bashku", ka thënë Haradinaj.

Ndërsa, kryetari degës së Aleancës për Ardhmërinë e Kosovës për Kaτanik, Tahir Qaka theksoi se nuk ndjehen të dëshpëruar nga rezultati i dal në zgjedhjet lokale, pasi sipas tij AAK ja ka fituar në Kaçanik, por ka vlerësuar se kanë ndodhe parregullsi dhe si pasojë e këtyre parregullsive AAK ja nuk është duke e qeverisur komunën e Kaçanikut.

Ndërkaq, Ismail Dashi, ish kryetari i degës së LDD së në Kaçanik, i cili tanë më ka kaluar në AAK, tha se duke par gjendjen e qeverisëse në Kaçanik e kanë parë të arsyeshme që të kalojnë në AAK.