Të premten do të zhvillohen dy ndeshje të Technomarket Superligës së Kosovës në basketboll. Në Vushtrri (ora 18:00) Kosova e Vushtrrisë pret Trepçën e Mitrovicës, ndërsa në Mitrovica Bambi takohet me kampionin në fuqi, Sigal Prishtinën (ora 16.00). Trepça është e favorizuar dhe udhëton vetëm për fitore ndaj vushtrriasve solid. Sigal Prishtina ka basketbollistë më cilësore dhe nuk do të ketë punë aspak të vështirë. Sigal Prishtina tash për tash e mban vendin e parë me 29 pikë, kurse Trepça renditet e dyta me 27 pikë. Qëllimi i mitrovicasve është fitorja që të mos e lëshojnë pozitën e dytë dhe të kërkojnë ndonjë dështim eventual të liderit në tabelë.