Kaka që nga vera e kaluar luan me mjaft sukses në klubin mbretëror, Real Madridin. Ky futbollist nuk e harron dashurinë e vjetër që ka pasur një kohë të gjatë me Milanin. “ Unë e dua Milanin sepse kam lënë shumë shokë atje. Milan po luan shumë mirë dhe Ronaldinho po kalon formë të mirë. Tani më intereson vetëm që jam në Real. Kam pasur fatin që kam mundur të nënshkruaj për një klub të tillë. Milanin e kam ende në zemër dhe nuk mund të harroj, tha Kaka. Para pak ditësh është spekuluar nga mediat se Kaka mund të rikthehet në Milan, por më këtë çështje Kaka as që është marrë dhe sipas tij, është shumë mirë në Real.