Oliver Kahn, njëri nga portierët më të mirë të kohës së tij, që vlerësohet edhe legjendë e skuadrës së futbollit Bayern nga Munihu, ka dhënë deklaratë interesante. Kahn ka porositur ish-klubin e tij të zgjidhë problemet që ka në portë duke nënshkruar me heroin e Juventusit, Gigi Buffon. Bayern ka dështuar të gjejë një portier të qëndrueshëm pas largimit të Kahn, edhe pse ka në dispozicion dy portierët Michael Rensing dhe Hans-Jorg Butt. “Bayern ka ambicie të mëdha dhe kur dëshironi t’i realizoni objektiva, keni nevojë për një prej portierëve më të mirë në botë”, tha Kahn, i cili ka menduar në portierin Buffon.