Opozita do t’i rikthehet protestave në muajin janar. Socialistët kanë mbyllur dy ture protestash në të gjithë vendin me të njëjtin objekt, hapjen e kutive. Turi i parë i protestave u zhvillua para 20 nëntorit, një qytetet kryesore të vendit për t’u finalizuar në Tiranë më 20 nëntor, në një tubim maratonë që zgjati 48 orë në Bulevardin “Dëshmorët e Kombit”. Pasi nuk morën asnjë përgjigje nga kryeministri për hapjen e kutive, socialistët zhvilluan dhe një tur të dytë, kësaj radhe me sloganin “Hap kutitë ose largohu”, i cili u përmbyll në Tiranë pak ditë më parë, ku kërkesave politike iu bashkangjitën dhe ato ekonomike dhe sociale. Socialistët kanë paralajmëruar protesta pa mbarim deri në plotësimin e kërkesave të tyre për vitin 2010.