TIRANË - Një charter special ka sjellë në Shqipëri me pranga Aldo
Baren. Ish-kapoja i bandës së Lushnjës i shumëkërkuar nga drejtësia
shqiptare, ka ardhur sot në Rinas rreth orës 10:00. Ai u arrestua në
Turqi në mars 2006.


Shoqërimi i tij është bërë nën masa të forta sigurie, që sollën edhe
bllokimin e plotë të rrugës Rinas-Tiranë. Një eskortë policie e
shoqëroi deri në burgun 313 në Tiranë.


Aldo Bare ose Alfred Shkurti, (emri i tij i vertetë) u arrestua afro
tre vjet më pare në Ankara, por ekstradimi i tij s'ka qenë i lehtë për
autoritetet shqiptare. Bare pretendoi nepermjet avokatit te tij turk se
nuk duhet te ekstradohej ne atdhe pasi rrezikohej deri në eliminim
fizik. Gjatë seancave gjyqësore të shqyrtimit të kërkesës për
ekstradim, Aldo Bare ka shprehur dëshirën për ekstradimin e tij në
Itali, duke refuzuar të kthehet me pranga në duar në Shqipëri. Ndërkohë
edhe shteti Italian kishte paraqitur interes për ekstradimin e Bares,
pasi atje ai ishte nën akuzë për trafik droge.


Lëvizja për kapjen e tij u aktivizua pasi Prokuroria e Krimeve te Renda
e cilia formuloi ndaj Aldo Bares akuzat per krijimin e organizates
kriminale, akuzat per me teper se 15 vrasje, per rrembim personi,
shkaterrim prone, dhunim varresh, kryerje veprash penale ne bashkepunim
nga organizata kriminale.


Bare dhe organizata e tij kriminale akuzohen per vrasjen dhe rrëmbimin
ne korrik te vitit 1997 të Artur Dajes, per vrasjen ne vitin 2000 te
agjentit te policise Klejdi Bano, per vrasjen e mbetur ne tentative te
ish-shefit te policise Sinan Meta, per vendosjen e eksplozivit ne
stadiumin e Lushnjes, per vendosjen ne 2001 te ekplozivit ne banesen e
inspektorit te policise Idriz Shuli, per vrasjen ne janar te vitit 2005
te Klodian Haxhiut, per vendosjen ne mars te 2005 te eksplozivit ne nje
apartament ne rrugen Don Bosco ne Tirane, per vrasjen ne korrik 2005 te
Baki Taullajt, per vendosjen e eksplozivit ne makinen e ish-drejtorit
te policise kriminale, Xhavit Shala, dhe per nje numer vrasjesh te
tjera.


Për kryerjen e këtyre veprave, i pandehuri Aldo Bare bashkë me shokët e
tij, Enver Dondollaku, Arben e Enver Boriçi, Ilir Stërgu, Afrim Hoxha,
Erion Cici, Rexhep Gina, Arjan Aliçko dhe Jorgo Muzaka po gjykohet
pranë Gjykatës së Shkallës së Parë për Krimet e Rënda në kryeqytet.