Në propozim rezolutën e përgatitur nga eurodeputeti Gabriele Albertini, vendimi për fillimin e negociatave, të cilin Këshilli Evropian do të mund ta sjell më 7 dhjetor, nuk është kushtëzuar me afat për zgjidhjen e çështjes për emrin.



Këshilli i Bashkimit Evropian në samitin e dhjetorit duhet ta konfirmojë rekomandimin e Komisionit Evropian për hapjen dhe fillimin e negociatave me Maqedoninë, njofton "Dojçe vele".

Kjo theksohet në propozim rezolutën për zgjerimin e BE-së me vendet e Ballkanit Perëndimor, Turqinë dhe Islandën, për të cilën Parlamenti Evropian sot do të diskutojë në seancën plenare, ndërsa do të votojë nesër.

Në propozim rezolutën e përgatitur nga eurodeputeti Gabriele Albertini, vendimi për fillimin e negociatave, të cilin Këshilli Evropian do të mund ta sjell më 7 dhjetor, nuk është kushtëzuar me afat për zgjidhjen e çështjes për emrin.

"Në lidhje me problemin me emrin, parlamenti u bëri thirrje qeverive të dy vendeve (Maqedonisë dhe Greqisë) t'i përforcojnë përpjekjet dhe të gjejnë zgjidhje. Qeveria e IRJM-së duhet të shmangë çfarëdo deklaratash dhe veprimesh, të cilat mund të kenë efekt negativ mbi marrëdhëniet me fqinji e vet. Vendosja e marrëdhënieve diplomatike me Kosovën është një shembull i këtillë", thuhet në propozim rezolutën.

Në projekt dokumentin, në pjesën për Maqedoninë rekomandohet vendi me përkushtim të vazhdojë me plotësimin e reformave.