Juventusi dhe Roma janë në krizë, Milani barazon

Skuadra e Ranierit është mundur në Torino nga Palermo, kurse kryeqytetasit kanë humbur minimalisht në Siena

Bien Juventusi dhe Roma. Ndërsa Udineze kap Lacion dhe Interin në krye të klasifikimit. Ka qenë e mbushur me gola dhe surpriza mesdita e javës së gjashtë e Serisë A. Juventusi është mundur 2-1 në fushën e saj nga Palermo. Pas avantazhit të shënuar nga Mikoli dhe barazimit të Del Pieros, ndeshja është vendosur në pjesën e dytë nga gjeorgjiani i ri Mkelidze. Nuk ka bërë më mirë dhe Roma, e cila ka pësuar humbjen e tretë radhazi në transfertë kundër Sienës, pas një goli të Frik.

Gjithsesi, java e gjashtë e Serisë A ndoshta do të mbahet mend si më argëtuesja e të gjitha kohërave. Pas barazimit të Lacios me Leçen dhe fitores së Interit kundër Bolonjës, ditën e shtunë, Napoli kishte mundësi të dilte e vetme në kreun e renditjes në transfertën kundër Xhenoas, por ëndrra e tyre ka zgjatur vetëm 40 minuta, me pak fjalë koha që ndan golin e Lavecit të shënuar në minutën e parë me atë të barazimit, për vendësit, të shënuar nga Papastathopulos, në minutën e 44-t të pjesës së parë.

Gjithë kjo, para se Paladino në të 54-n dhe Milito në të 73-n, të konfirmonin pathyeshmërinë e Xhenoas në fushën e saj. Qesh Udineze që me anë të një dygolëshi të Kualjarelës mund Torinon dhe ngjitet në majën e tabelës në kuotën e 13 pikëve duke iu bashkëngjitur kështu Interit dhe Lacios. Kthehet te fitorja në transfertë edhe Fiorentina, e cila falë golave të Kuzmanoviç dhe të të përhershmit Xhilardiono ka marrë tri pikët në stadiumin Bentegoti kundër Kievos, ndërsa Juventusi befason në fushën e vet kundër një Palermoje në formë të shkëlqyer, që ka arritur të fitojë në minutat e fundit falë golit të parë sezonal të Mkelidzes.

Një tjetër humbje e Romës, e cila në fushën e Sienës jo vetëm që humb ndeshjen, vendimtar Frik, por edhe dy lojtarë të rëndësishëm, si: Mekses dhe Panuçi, të cilët kanë marrë kartonin e kuq dhe do të mungojnë në ndeshjen e ardhshme kundër Interit. Bie edhe Sampdoria në fushën e Atalantës me rezultatin 4-2, duke i çuar dëm dy golat e parë të Kasanos për këtë sezon, ndërkohë që në fund të renditjes është i rëndësishëm goli i Kostës në minutën e 80-të, që i ka lejuar Rexhinës të marrë një pikë kundër Katanias së zakonshme të Zengës.


JAVA E 7-të 4 - 5 Tetor 2008

Lacio – Leçe 1-1
Inter – Bolonja 2-1
Atalanta – Sampdoria 4-2
Kievo – Fiorentina 0-2
Xhenoa – Napoli 3-2
Juventus – Palermo 1-2
Rexhina – Katania 1-1
Siena – Roma 1-0
Udineze – Torino 2-0
Kaljari - Milan 0-0

Renditja

1 Lacio - 13
2 Udineze - 13
3 Inter - 13
4 Palermo - 12
5 Atalanta - 12
6 Napoli - 11
7 Katania - 11
8 Fiorentina - 10
9 Xhenoa - 9
10 Milan - 9
11 Juventus - 9
12 Siena - 8
13 Leçe - 8
14 Roma - 7
15 Torino - 5
16 Kievo - 5
17 Sampdoria - 4
18 Bolonja - 3
19 Rexhina - 2
20 Kaljari - 0

JAVA E 16-të - 13-14 dhjetor


Bolonja – Torino 5-2
Napoli – Leçe 3-0
Fiorentina – Katania 2-0
Xhenoa – Atalanta 1-1
Inter – Kievo 4-2
Palermo – Siena 2-0
Rexhina – Sampdoria 0-2
Roma – Kaljari 3-2
Udineze – Lacio 3-3
Juventus – Milan 4-2

Renditja

1 Inter - 39
2 Juventus - 33
3 Napoli - 30
4 Milan - 30
5 Fiorentina - 29
6 Xhenoa - 26
7 Atalanta - 24
8 Lacio - 24
9 Palermo - 23
10 Roma - 23
11 Udineze - 22
12 Katania - 22
13 Kaljari - 20
14 Sampdoria - 19
15 Siena - 19
16 Bolonja - 14
17 Leçe - 13
18 Torino - 12
19 Rexhina - 12
20 Kievo - 9