Lars Lagerback ka njoftuar se do të largohet nga Kombëtarja suedeze pas ndeshjes së fundit kualifikuese të Botërorit 2010 (nëse nuk arrin të kualifikohet), kundër Shqipërisë, e cila do të zhvillohet të mërkurën.

Këtë lajm e ka bërë të ditur vet trajneri suedez, në një konferencë për shtyp të mbajtur të dielën, pas humbjes nga Danimarka.

“Kemi biseduar këtë mëngjes me presidentin e Federatës, Lars-Ake Lagrell dhe kemi arritur marrëveshje që unë dhe Roland (ndihmës trajneri) të largohemi. Ne kemi vlerësuar se ishte momenti i duhur për ta marrë këtë vendim dhe se ishte zgjidhja më e mirë”, ka thënë Lagerback.