TIRANË- Kryetari i LSI-së, Ilir Meta, e ka quajtur absurde protestën e opozitës. Deklaratën e ka bërë sot gjatë mbledhjes së Komitetit Drejtues të Partisë së tij. Në fjalën e mbajtur, Meta i ka bërë sërish thirrje opozitës të marrë pjesë në Kuvend, duke shtuar se me të tilla veprime ajo po humbet seriozitetin. Sipas tij lideri i opozitës Edi Rama po përpiqet të marrë peng institucionet për përfitime të tij por se nuk do të mund të pengojë as pjesëmarrjen në këtë proces të personave që janë në opozitë me këtë qeveri dhe as të ndalë punën e LSI-së drejt integrimit.