Gjatë vizitës në Kosovë, kryeministri Sali Berisha, të martën bëri homazhe dhe nderime në varrin e ish- Presidentit të Kosovës, zotit Ibrahim Rugova, ndërsa më pas Berisha bëri një vizitë në familjen Rugova ku u takua me bashkëshorten dhe fëmijët e tij.

“Unë erdha për t’i shprehur nderimin më të thellë zonjës Rugova për ndihmesën e madhe që zonja Rugova ka dhënë në mbështetjen ndaj Presidentit Rugova, ndaj burrit të shtetit, unik në historinë e kombit shqiptar, i cili ia doli të shkrijë në një politikanin, shtetarin dhe misionarin. Në shpirtin e tij qëndrestar, mençurinë, intelektualizmin, vendosmërinë, Presidenti Rugova lartësoi çdo ditë të veprimtarisë së tij, çështjen e drejtë të shqiptarëve në Kosovë”, tha Berisha pas vizitës.

Në dietën e dytë të vizitës në Kosovë, kryeministri Berisha, bashkë me Kryeministrin e Kosovës Hashim Thaçi, do të vizitojë kompleksin memorial "Adem Jashari" në Prekaz si dhe familjen Jashari.

Më vonë, Berisha do të kthehet në Prishtinë, ku fillimisht do të vizitojë monumentin "New Born", për të vazhduar takimet me zyrtarë ndërkombëtarë - përfaqësuesin e BE-së Piter Feith dhe komandantin e KF0R-it gjeneralin Markus Bentler.

Nga Prishtina do të udhëtojë në Prizren ku pritet të shpallet Qytetari Nderi i këtij qyteti.