Kapiteni i Romës, Francesco Totti do të qëndrojë jashtë fushës për dy javë, pas lëndimit të gjurit që pësoi në ndeshjen kundër Napolit të dielën.

Totti shënoi të dy golat e Romës në fitoren 2-1. Ikona e klubit nga kryeqyteti italian u dëmtua pas realizimit të golit të dytë.

Trajneri Claudio Ranieri kishte bërë të gjitha zëvendësimet dhe Totti u desh të qëndrojë në fushë deri në fund, pavarësisht lëndimit.

Totti ka shënuar gjashtë gola në shtatë xhirot e deritashme në Serie A.