Skuadra e Trepçës ka befasuar Besa Famiglian, duke e mposhtur midis Pejës me rezultat të ngushtë 25:26.

Hendbollistët pejanë para takimit ishin favoritë, mirëpo mitrovicasit u treguan të fortë në këtë takim. Edhe pse pejanët pjesën e parë e përmbyllën në avantazh prej një goli (13:12), Trepça arriti që në pjesën e dytë të jetë më efikase dhe ta fitojë takimin.

Ndërsa dy pretendentët e tjerë për titullin e kampionit nuk kanë lejuar befasi. Prishtina ka mposhtur Rahovecin në Rahovec me rezultat të thellë 23:46 derisa Kastrioti ka mposhtur Kosovën në Vushtrri me rezultat 21:34.

Ndërsa në takimin ndërmjet dy ekipeve kuqezi, Vëllaznimit dhe Drenicës, e fituan gjakovarët me rezultat 28:24.

Superliga – xhiroja II

Vëllaznimi – Drenica 28:24(14:13)
Rahoveci – Prishtina 23:46(10:23)
Kosova – Kastrioti 21:34(9:17)
Besa Famiglia – Trepça 25:26(13:12)

Tabela

Kastrioti 2 79:42 4
Prishtina 2 87:56 4
Trepça 2 56:52 4
Besa Famiglia 2 53:50 2
Vëllaznimi 2 52:52 2
Kosova 2 49:64 0
Drenica 2 57:69 0
Rahaveci 2 44:91 0