Jorge Lorenzo fitoi bindshëm në garën për Shpërblimin e Madh të Portugalisë në MotoGP, ndërsa Casey Stoner shfaqi një rikthim të shkëlqyeshëm nga lëndimi duke përfunduar i dyti.

Dani Pedrosa në Honda ishte i treti. Lorenzo pas fitores i është afruar në 18 pikë, liderit të kampionatit, Valentino Rossi, i cili ishte i katërti. Lorenzo ishte i parrezikuar në pozitën e parë dhe përfundoi 6.3 sekonda para Stonerit.

Kjo ishte fitorja e katërt e spanjollit këtë sezon, i cili ngushtoi epërsinë e Rossit, tri gara para përfundimit të kampionatit. Rossi, i cili nuk përfundoi në podium për herë të parë në Estoril, nuk ishte në ritëm me Yamahan e tij dhe përfundoi 23 sekonda prapa Lorenzos.

Derisa kolegu i tij i është afruar në 18 pikë, Rossi duket të mendojë mirë si ta ruajë epërsinë për garën e ardhshme në Philip Island në Australi, më 18 tetor. Colinin Edwards ishte i pesti, ndërsa Toni Elias përfundoi i gjashti.

Rezultatet e garës:

1 Jorge Lorenzo 45 min 35.522 sek
2 Casey Stoner 45:41.816
3 Dani Pedrosa 45:45.411
4 Valentino Rossi 45:58.950
5 Colin Edwards 46:08.174
6 Toni Elias 46:11.231

Renditja e përgjithshme:

1 Rossi 250 pikë
2 Lorenzo 232
3 Pedrosa 173
4 Stoner 170
5 Dovizioso 142
6 Edwards 134