Nga tash e tutje, Premierliga mund të quhet lirisht Premier “Stranger” (e huaj) League. Sepse përqindja e futbollistëve të huaj që luajnë në këtë ligë është më e larta në të gjitha kampionatet elite të Evropës.

Mesatarja e futbollistëve të huaj të certifikuar në këtë ligë është 42,6 për qind. Këtë statistikë e ka nxjerrë tabloidi britanik Sun, sipas së cilit së paku gjashtë yje nga 10 të kampionatit anglez arrijnë nga jashtë.

Prinë Liverpool

Kjo nuk është e tëra. Sepse, nëse i shikojmë top 5 klubet e Premierligës, mesatarja e futbollistëve të huaj do të shkonte në plot 72,4 për qind siç demonstron mbi të gjitha klubi i Liverpoolit, i cili fal kampionëve të kalibrit të spanjollit Fernando Torres, vitin e kaluar kishte skuadrën me më së shumti të huaj, besoni apo jo - 90 për qind sish.

Pak më poshtë gjendet Arsenal, i cili pasi e kishte transferuar në momentet e fundit rusin Andrei Arshavin, e kishte ngritur kuotën e të huajve në 84,5 për qind.

Brengos sektori i të rinjve

Ai që brengos më së shumti në Angli është sektori i të rinjve. Tabloidi Sun ka ardhur në përfundim se numri i yjeve angleze të Premierligës, të lindur dhe të rritur në klubet ku luajnë, është në rënie të madhe. Me këtë rast, proporcioni do të ishte i barabartë një në pesë.