Renditja e FIFA, Shqipëria në vendin 82

LePuRuShJa

LePuRuShJa

♫ Stafi Administrues ♫

Gjinia: Female

Pikët: 120236
Titull i Preferuar: Nuk është arritje të bësh 1000 miq për një vit, por të bësh një mik për 1000 vjet!!

Organizata ndërkombëtare e futbollit FIFA në faqen zyrtare të internetit e ka zbritur me 6 pozicione Shqipërinë në vlerësimin që i ka bërë skuadrës kuqezi. Sipas asaj që është publikuar në internet nga FIFA, Shqipëria renditet në vendin e 82. Në fakt duket se humbja me Poloninë ka bërë që vendi ynë të humbasë 6 pozicione në renditjen për vlerësimin e futbollit shqiptar. Jo vetëm kaq por edhe pezullimi i Shqipërisë në aktivitetet ndërkombëtare ka çuar në një përfundim të tillë, pasi kuqezinjtë janë renditur në nivelet më të ulëta nga organizata botërore e futbollit.

Megjithatë sipas vlerësimit të FIFA-s vazhdon të jetë në krye Argjentina, në vend të dytë qëndron Brazili për t’u pasuar nga kampionia e botës, Italia.

prej Thu 7 Aug - 18:30 nga **LePuRuShJa**

Spanja, e para në renditjen e FIFA-s

Italia ka rënë një vend më poshtë në renditjen e FIFA-s, duke qëndruar në vend të tretë, ndërkohë që Spanja mbetet në krye të listës. Gjermania është ngjitur në vend të dytë, ndërkohë që amerikano-jugorët kanë humbur disi nga klasifikimet e mëparshme... Nuk mund të jetë një surprizë që Italia nuk e ka konsoliduar vendin e saj, pasi ata treguan një formë shumë të dobët në Kampionatin Europian.

Një rënie kaq e vogël në renditje mund të quhet madje e habitshme për "axurrët", ndërkohë që spanjollët duket se meritojnë plotësisht vendin e parë, pasi u shpallën fitimtarë në Europianin e fundit. Finalistja e "Euro 2008"-s, Gjermania, ka zëvendësuar Italinë në vendin e dytë, duke kompletuar një treshe në krye komplet europiane, që i ka çuar poshtë tabelës amerikano-jugorët. Brazili ka humbur dy pozicione duke shkuar në vend të gjashtë, ndërkohë që Argjentina ka humbur një vend. E vetmja skuadër, që ka hyrë përsëri në 10-shen e parë, është Rusia që në "Euro 2008" la përshtypje shumë të mira.

Renditja zyrtare e FIFA-s:

1.Spanjë

2.Gjermani

3.Itali

4.Holandë

5.Kroaci

6.Brazil

7.Argjentinë

8.Republika Çeke

9.Portugali

10.Rusi

prej Fri 10 Oct - 13:31 nga **Albatros**

Renditja FIFA, ngjitemi 18 vende

Shqipëria është ngjitur 18 vende në renditjen e fundit të publikuar nga FIFA. Në klasifikimin e muajit tetor, kuqezinjtë zënë vendin e 83-të në renditjen e përgjithshme botërore. Barazimi 0-0 kundër Suedisë dhe fitorja 3-0 me Maltën kanë ndihmuar skuadrën shqiptare që të ngjisë 18 vende në listën e përmuajshme. Kështu, nga vendi i 102-të, që ishim në muajin shtator 2008, tashmë jemi në vendin e 83-të me 416 pikë, por ende larg “rekordit” të këtij viti, kur në shkurt 2008 ndodheshim në vendin e 73-të. Gjithsesi, renditja më e mirë historike është ajo e gushtit të vitit 2006, me vendin e 62 në botë, por dhe atëherë për shkak të sistemit të ri të llogaritjeve të përdorura nga FIFA. E para në grupin 1 është Portugalia, e cila renditet e 10-ta në klasifikimin e muajit tetor. Pas saj vijnë Suedia (28), Hungaria (62), Shqipëria (83) dhe Malta (146).