Gjatë vitit 2008 Kryetarja e Parlamentit, Jozefina Topalli, ka shpenzuar 1 milion lekë të reja për universitetin e vajzës në Strasburg të Francës. Ndërkohë në vitin 2007, Topalli kishte paguar një shumë prej 2300 euro për studimet e vajzës jashtë shtetit. Një vit më parë kryeparlamentarja ka blerë një apartament 77 m2 në Shëngjin, me vlerë 3.3 milionë lekë të reja, nga të cilat 2.3 milionë i ka paguar ajo, 1 milion bashkëshorti. Në të njëjtën kohë nënkryetarja e Partisë Demo-kratike ka tërhequr nga depozita në bankë 1 milion lekë të reja, që i ka në gjendje në shtëpi. Bashkëshorti i saj ka përfituar 12 mijë euro të ardhura nga qiratë si dhe 1 milion lekë të reja të ardhura nga puna (biznes i vogël në fillim të vitit të kaluar dhe pastaj nga zyra e noterisë). Si Kryetare e Kuvendit, gjatë vitit 2008, Jozefina Topalli ka përfituar një pagë neto prej 2.2 milion lekësh, ndërkohë që ka përfituar dieta si deputete në shumën 1.1 milion lekë.

Jozefina Topalli

- Pakësuar 1 milion lekë për të paguar shkollën e vajzës në Strasburg
- Pakësuar 2.3 milion lekë për blerje apartamenti në Shëngjin
- Tërhequr nga banka 1 milion lekë, që i ka në gjendje në shtëpi
- Blerje apartamenti në Shëngjin 3.3 milionë lekë (2.3 milion lekë nga Kryeparlamentarja dhe 1 milion lekë nga bashkëshorti)
- Të ardhurat nga qiratë (në emër të bashkëshortit) 12.000 euro
- Të ardhurat e bashkëshortit 1 milion lekë
- Paga neto si Kryetare Kuvendi 2.201.149 lekë
- Dieta (faktike e deputetit) 1.117.829 lekë