Kualifikohet Vllaznia

Albatros

Albatros

♫ Stafi Administrues ♫

Gjinia: Male

Pikët: 34977
Titull i Preferuar: Nuk eshte e rendesishme te thuash ate qe mendon . Por te mendosh mire ate qe thua.

Vllaznia e Shkodrës është kualifikuar për në rrethin e dytë të kualifikimeve për Europen League (Ish Kupën UEFA). Shkodranëve u ka mjaftuar edhe barazimi 1:1 përballë ekipit irlandez Sligo Rovers për ta siguruar kalimin në rrethin e dytë, pasi në Irlandë kishin fituar 2:1.

Shtubina kaloi shkodranët në epërsi tre minuta pa përfunduar pjesa e parë, derisa në minutën e 79-të sulmuesi Vioresin Sinani u ndëshkua me karton të kuq. Ndërsa gjashtë minuta më vonë irlandezët barazuan nëpërmjet Keane, por kjo nuk u ka mjaftuar që t’i eliminojnë kuq e kaltrit.

Në rrethin e dytë të Europen League, Vllaznia për kundërshtar do ta ketë skuadrën austriake Rapid Viena.

Ndërsa skuadra tjetër shqiptare Dinamo nga Tirana ka qenë afër të bëjë befasi. Ata mposhtën ekipin e FC Lahti 2:0, mirëpo për një gol nuk arritën të kualifikohen në rrethin e dytë të Europen League, pasi në Finlandë kishin pësuar me rezultat të thellë 4:1.

Dy golat për ekipin tiranas i realizoi Diop. Ai fillimisht shënoi në minutën e 13-të, derisa golin e dytë e realizoi 20 minuta pa përfunduar takimi.

Edhe skuadrën tetovare Renova vetëm një gol e ka ndarë nga kualifikimi në rrethin e dytë të Europen League. Ata barazuan 1:1 në shtëpi përballë ekipit bjellorus Dinamo Minsk. Të parët që kaluan në epërsi ishin tetovarët me golin e Ibrahimit, i cili e shënoi në minutën e 12-të

Mirëpo, shpresat e tetovarëve për një kualifikim të mundshëm ia shoi Kislyak, i cili në minutën e 38-të shënoi gol nga pika e bardhë.

Në anën tjetër, edhe Buduçnosti i Fatos Beqirjat është eliminuar nga garat evropiane. Edhe pse malazezët shënuan fitore minimale 1:0 përballë Polonia Warsaves, ata nuk arritën të kualifikohen pasi në Podgoricë ishin mposhtur me rezultat 2:0.

No Comment.