Presidenti Fatmir Sejdiu e ka përshkruar vizitën e delegacionit të lartë shtetëror në Washington dhe nënshkrimin e anëtarësimit të vendit tonë në Fondin Monetar Ndërkombëtar dhe në Bankën Botëror si një vizitë me peshë historike.

“Kjo vizitë e ka peshën e vet historike me arsye të veçantë se Kosova realisht me të gjitha vendet mbështetëse për pranimin e saj në këta dy mekanizma ndërkombëtar ka marrë njëkohësisht një mbështetje sinjifikative duke e cilësuar shumë qartë se anëtarë të Fondit Monetar Ndërkombëtar dhe të Bankës Botërore mund të bëhen vetëm shtetet sovrane”, theksoi Sejdiu.

Gjithashtu, Sejdiu tha se ky është një evoluim i zhvillimeve pozitive që ka kaluar Kosova në një vit e gjysmë të pavarësisë dhe i garancive të rëndësishme për vazhdimin e procesit të reformave, lëvizjeve që kanë të bëjnë me proceset integruese dhe me zhvillimin e politikave të mira të demokracisë dhe të ndërtimit të Kosovës si shtet demokratik i të gjithë qytetarëve.

Gjatë vizitës në Ëashington, delegacioni i vendit tonë i kryesuar nga presidenti Sejdiu pati takim edhe me nënsekretarin amerikan të Shtetit, James Steinberg nga i cili kanë marrë konfirmimin e vazhdueshëm të Shteteve të Bashkuara për mbështetje.