Kosova mobilizohet për parandalimin e gripit të derrave

Vizitor

Vizitor

Ministria e Shëndetësisë e Kosovës ka marrë të gjitha masat për parandalimin e virusit H1N1 duke koordinuar aktivitetet me të gjitha institucionet e tjera të shëndetit publik në Kosovë.

Pas rasteve të fundit të paraqitjes së këtij virusi në vendet fqinje, ministri i Shëndetësisë, Alush Gashi, ka thënë se do të intensifikohet niveli i pastërtisë në QKU dhe u ka bërë thirrje qytetarëve që t’i shmangen vizitat nëpër spitale.

Gashi ka shtuar se institucionet vendore janë duke iu përmbajtur të gjitha rekomandimeve të selisë së Organizatës Botërore të Shëndetësisë në Kosovë.

Ministri i Shëndetësisë ka bërë të ditur se do t’i paraqesë Qeverisë së Kosovës një kërkesë për lëshimin e mjeteve për blerjen e vaksinave të mjaftueshme kundër gripit, ndonëse ka doza të konsiderueshme të Tamiflu-së.

No Comment.