Stuttgart, në garë për Canën

Klubi nga Bundesliga, Stuttgart ka hyrë në garë për transferimin e mesfushorit të Olympique Marseille, Lorik Cana, ka njoftuar të premten e përditshmja franceze Le Parisien.

Reprezentuesi shqiptar më herët gjatë kësaj jave thuhej se ishte në prag të transferimit në Hamburg që ofroi 8 milionë euro për shërbimet e tij, mirëpo Marseille kërkon 10.

E ardhmja e Canës në Marseille është në dyshim, ndërsa ylli kosovar më parë ishte objektiv edhe i klubit nga Premierliga, Everton.