Tani e tre muaj modelja Merita Shala është bërë pjesë e shout “Thirrja e artë” që shfaqet çdo të diel në RTV 21. Ajo është e kënaqur me këtë pjesëmarrje, në të cilën thotë se koha i kalon shumë shpejt për shkak të llojit të emisionit. “Është një kënaqësi të punosh në një emision siç është ‘Thirrja e artë’, e cila pas një pauze do të nisë punën javën e ardhshme. Këtu u bënë disa muaj që jam e angazhuar si modele dhe pjesëmarrëse e lojës dhe po kaloj një periudhë të mirë me kolegët e këtij shou”, ka thënë ajo për “Zërin” . Merita tani do të nisë edhe angazhimet e saj në emisionin “Unë jam top model 2” dhe shpreson që të korrë suksese.