Masazhi është metoda e parë që përdorim për të qetësuar dhimbjet e kokës, belit apo qafës. Ashtu siç lehtëson dhimbjen ai ka dhe veçori relaksuese.Duke ulur nivelin e kortizolit të njohur si hormoni i stresit, masazhi mundëson relaksimin. Për këtë arsye specialistët pohojnë se nënat mund t’u bëjnë masazh fëmijëve. Sipas tyre masazhi i qetëson fëmijët duke u mundësuar një gjumë më të qetë. Në të vërtetë masazhi që i bëhet fëmijës krijon një lidhje të fortë mes nënës dhe fëmijës dhe zotëron një rol kyç në zhvillimin e kësaj lidhjeje. Masazhi zhvillon dhe forcon lidhjet në mes nënës-babait dhe fëmijës. Krahas kësaj masazhi ndikon në formësimin e lidhjes nënë-fëmijë veçanërisht për femrat që përjetojnë depresion pas lindjes. Sipas specialistëve masazhi është më efektiv se përkundja e fëmijës ne shtrat.

Si duhet t”u bëjmë masazh fëmijëve?

Në radhë të parë kur duam t”i bëjmë masazh fëmijëve duhet t’i shohim në sy. Më pas duhet ta prekim lehtë nga koka deri te këmbët duke e masazhuar. Ndërkohë duhet të ushtrojmë një trysni shumë të lehtë dhe të masazhohen në forma të ndryshme duke lëvizur lehtë muskujt nën lëkurë. Fëmijët që masazhohen për herë të parë mund të reagojnë duke qarë. Në këtë rast ju nuk duhet ta lini masazhin. Masazhi do të kthehet në diçka zbavitëse për fëmijën. Krahas kësaj do të minimizohen dhe faktorët e tensionimit në mes nënës dhe fëmijës.

Çfarë duhet pasur kujdes kur bëni masazh:
Sigurohuni që ndodheni në një ambient në të cilin nuk do të shqetësoheni për 15 min. Tregoni kujdes që dhoma të jetë e ngrohtë dhe të qëndrojë e tillë edhe gjatë kohës së masazhit. Përgatisni një sipërfaqe të butë ku do të shtrini fëmijën. Mbani pranë vetes një pelenë rezervë dhe një peshqir të butë. Më mirë do ishte që masazhi të bëhej pas banjos pa e veshur fëmijën, por sigurisht ju mund ta bëni në kohën më të përshtatshme për ju.

Fëmijës nuk i duhen shumë gjëra gjatë masazhit. Nëse përdorni një vaj trupi me formule të butë nuk dëmtohet as lëkura e fëmijës gjatë fërkimit.
Përdorni aq vaj të nevojshëm sa për të mundësuar rrëshqitjen e duarve mbi lëkurën ë fëmijës. Në fillim filloni me prekje të lehta. Vazhdoni duke shtypur lehtë pasi fëmija të mësohet me masazhin.
Mundësoni fokusimin e vëmendjes së fëmijës në një pikë të trupit për ta qetësuar më shumë dhe mësojeni si të sillet. P.sh mbani njërin krah. Ndërkohë që tundni krahun buzëqeshni dhe thoni “qetësohu”. Kjo do të mundësojë përqendrimin e fëmijës mbi trupin e tij dhe relaksimin. Në këtë gjendje ai mund të kuptojë më mirë dhe masazhet pozitive të prekjeve tuaja. /Start/