Nga e hëna sheshi “Skënderbej” do të hapet për qarkullimin e automjeteve. Pasi u hoq dorë nga projekti i mëparshëm, i cili e parashikonte qendrën e kryerqytetit vetëm për këmbësorët dhe jo për automjetet, bashkia nën drejtimin e Lulzim Bashës, zbatoi një projekt, sipas saj provizor, që konsiston në shtrimin e sheshit me asflat dhe ndërtimin e një parku. Qindra pemë janë mbjellë e po mbillen në shesh, duke krijuar idenë më shumë të një parku sesa të një qendre. Nuk ka ende një konfirmim zyrtar nëse ky variant do të jetë provizor dhe për sa kohë, apo përfundimtar, pasi investimet janë sërish shumë të mëdha për të qenë një projekt provizor.

Nëse do të jetë kjo pamja përfundimtare e shëshit “Skendërbej” atëherë më shumë se me një shesh ne do të kemi të bëjmë me një park në qendër të kryeqytetit, duke e bërë Tiranën kryeqytetin e vetëm pa shesh qëndror, ku të mund të organizohen edhe aktivitet si mitingje, festime me karakter kombetar etj.