Zëvendëskryeministri i parë i Qeverisë së Republikës së Kosovës,
Behgjet Pacolli, konfirmon zyrtarisht nga kontinenti i Afrikës se
Republika e Guinesë Conakry dhe Republika e Nigerit, janë shtetet e
radhës të cilat e kanë njohur pavarësinë e Republikës së Kosovës.

Këto njohje vijnë pas aktivitetit të lobues të zëvendëskryeministrit
Pacolli. Siç thuhet në komunikatën e dërguar nga zyra e Pacollit, brenda
ditës do të jepen detajet tjera rreth këtyre njohjeve.


Në korrik Afrika Qendrore ishte shteti i 77 që njohu pavarësinë e
Kosovës. Me Guineja Conakry dhe Nigerinë, numri i shteteve që kanë
njohur pavarësinë e shtetit tonë është 79.