Korçë- Trupi i masakruar i një femre me kokë dhe gjymtyrë të prerë u
gjet dje në mëngjes nga punonjësit e pastrim gjelbërimit të qytetit të
Korçës në vendin e grumbullimit të mbeturinave në fshatin Ravonik të
Korçës. Gjetja e trupit të gruas është njoftuar mëngjesin e djeshëm, nga
disa punonjës dhe njerëz që mbledhin mbeturinat në në vendin e
grumbullimit të tyre. Policia e Korçës tha se trupi i femrës ishte
gjetur i gjymtuar e i paketuar në dy thasë plastikë.

Policia tha se trupit të femrës i mungonte koka, ndërsa gjymturët
ishin të prerë me kujdes me një mjet prerës të fortë. Femra mendohet të
jetë jo më e madhe se 30- 35 vjeçe dhe 165 cm, e gjatë. Ende nuk dihet
se ajo është banore e Korçës apo e ndonjë qyteti tjetër të Shqipërisë,
pasi nuk ka një identitet të saj. Burimet e policisë thanë se dyshohej
se koka ishte shkëputur nga trupi me qëllim që viktima të mos
identifikohej nga policia apo nga njerëz të ndryshëm që do të thirreshin
për ta identifikuar. Blutë nisën hetimet për zbardhjen dhe
identifikimin e trupit të femrës me qëllim që më pas të ngriheshin edhe
pistat e krimit.

Drejtori i Policisë së Korçës, Bernard Çaushaj, tha se specialistët e
krimeve, po punonin për të gjetur ndonjë detaj identifikues të femrës
pasi asaj nuk i janë gjetur dokumente. Burimet thanë se priten
përgjigjet e ekspertëve mjeko- ligjorë për të konfirmuar nëse ajo ka
qenë përdoruese e pijeve, apo e ndonjë konsumatore e ndonjë lënde
narkotike. Ekspertët e policisë në vendin e ngjarjes, deklaruan se
viktima e seksit femër, e masakruar mund të jetë mbi 35 vjeç, ndërsa
masakrimi i saj ka ndodhur në harkun kohor prej 24 orësh. Nga kqyrja e
kryer nga ekspertët, është konsatruar se ajo është racë e bardhë, e
veshur me një palë tuta sportive me ngjyrë blu sintetike, dhe me shirita
anash rozë si dhe një kanatiere ngjyrë bojqielli me mbishkrimin “Ac
Origjinal”.