Minatorët e Bulqizës që janë prej 15 ditësh në grevë urie, do të
takohen sot në orën 16.00 në ambientet e Bashkisë së Bulqizës për
negociata. Vendimi është marrë nga Sindikata e minatorëve.


Do të marrin pjesë 5 minator në negociata me ACR. Firma ACR deklaroi
se ishte e gatshme për negociata. Përfaqësuesi i minatorëve në
negociata, Luan Nika. Greva e minatorëve vijon në ditën e saj të 15-të,
ndërkohë që kompania ACR përsëriti kushtet për dialog me protestuesit
për të diskutuar rreth kërkesave të tyre.


ACR-ja deklaron se është gati të negociojë me një përfaqësi të
përzgjedhur nga minatorët, por jo me kreun e konfederatës së
sindikatave, Kolë Nikolla.


Ndërkohë mësohet se pas letrës së kompanisë ACR, drejtuar minatorëve
për bisedime të drejtpërdrejta pa prezencën e sindikatës, kreu i kësaj
të fundit, Kolë Nikolla ka deklaruar se tërhiqet nga pjesëmarrja në
negociata për zgjidhjen e problemit.