Minatorët e Bulqizës vijojnë ditën e 14-të, të grevës së urisë.
Ndonëse po qëndrojnë në 1 400 metra thellësi në brendësi të tokës në
kushte të vështira, ata deklarojnë se nuk do të tërhiqen derisa firma
austriake “ACR”, të plotësojë kërkesat e tyre.

Më herët, kreu i Konfederatës së minatorëve, Kol Nikollaj, bëri apel
me anë të një konference për shtyp që METE dhe ACR të marrin masa dhe të
plotësojnë kërkesat e minatorëve.

Ndërkohë, ditën e djeshme METE reagoi mbi situatën në minierën e
Bulqizës ku i bëri thirrje negociatorëve, drejtuesve, minatorëve si dhe
palëve që akuzojnë njëra-tjetrën, të ndalojnë menjëherë akuzat e
ndërsjella, si dhe të përpiqen të nisin dialogun.



Sipas METE, miniera e Bulqizës është pasuri kombëtare dhe asnjë palë
apo individ nuk duhet të luajë për interesa personale me këtë pasuri.