Punimet në qendër të metropolit shqiptar kanë shkaktuar kaos në
qarkullimin e mjeteve. Qytetarët shprehen të shqetësuar për pamjen dhe
kaosin që krijohet çdo dite teksa kalojnë në qendër.

Në sheshin “Skënderbe”, qarkullimi është krejtësisht i bllokuar për
automjetet, ndërkohë që edhe për këmbësorët kalimi është bërë mese i
vështirë.

E vetmja zgjidhje që i është ofruar qytetarëve të Tiranës, është
mbyllja e një rruge dhe hapja e një tjetre, ndërkohë që qytetarët prej 2
vjetësh janë në pritje të përmirësimit të situatës.