Këngëtarja e mirënjohur kolumbiane, Shakira, e cila me veshje elegante e
këngë të bukura po e çmend tërë botën e muzikës. Kjo këngëtare është e
lidhur ngushtë me Barcelonën për shkak të të dashurit të saj, Gerrard
Piques. Sa herë që fiton Barcelona, edhe Shakira e përjeton gëzimin.
Këngëtarja kolumbiane është shprehur se Barcelona dhe i dashuri i tij e
kanë mësuar atë fuqinë që ka futbolli. “Falë Piques unë kam mësuar se ky
sport është një mësim i mirë për fëmijët, të mëson respekt, disiplinë,
tolerancë dhe dëshirë për të luftuar për ëndrrën tënde”, ka thënë
Shakira. Kolumbiania ka folur edhe se si janë të bashkuar pas fanellës
futbollistët katalunas. “Unë gjithashtu kam mësuar se në dhomat e
zhveshjes së Barcelonës të gjithë futbollistët janë të bashkuara nga
fanella, edhe pse kanë besime të ndryshme, ata bashkohen me anë të
fanellës”, ka theksuar Shakira, e cila çmendet pas Barcelonës, që është
kampione e Evropës dhe e Spanjës.