Zv.kryeministri dhe ministri i Punëve të Jashtme Edmond Haxhinasto ka
zhvilluar një takim me ambasadorin e Italisë Saba D’Elia dhe
ambasadorin e Sllovenisë Bojan Bertoncelj.

Ambasadorët i përcollën ministrit mesazhin e përbashkët që dy
ministrat e Jashtëm, ai i Italisë Franko Fratini dhe i Sllovenisë Samuel
Zbogar, i dërgojnë përfaqësueses së lartë të BE-së për Politikën e
Jashtme Katherinë Ashton dhe Komisionerit të Zgjerimit Stefan Fule. Në
letrën e përbashkët të Fratinit dhe Zbogarit theksohet se “një mesazh i
qartë nga Komisioni Europian në progres raportin e ardhshëm, në favor të
integrimit evropian të Shqipërisë, do të jetë politikisht i dobishëm
për vendin”.