Edi Rama duke kërkuar të marrë gjithçka do të përfundojë, duke mos
marrë asgjë dhe mazhorancës në të gjitha rastet nuk do t’i hyjë gjemb në
këmbë", në mënyrë të përmbledhur kjo është analiza që i bëhet nga Artan
Hoxha lojës së Edi Ramës, i cili vërtetë flet për një strategji të re,
duke filluar nga shtatori, por lëvizjet e tij në këtë lojë mbeten të
vjetra, ato nuk janë konstruktive.
"E tillë është përpjekja e Ramës, udhëheqësit të ndryshimeve
kushtetuese të 2008-ës, që t’i kthejë mbrapsht ato, duke i përshfaqur
pas humbjeve të 2009-ës dhe 2011-ës, si burimin e të gjitha të këqijave.
Në të vërtetë janë shifrat ato që përmbysin në themel këtë ide të cilën
Rama po e sponsorizon në mos për të bindur krejt shqiptarët, të paktën
të bindë partinë e tij", thotë analisti Artan Hoxha.