Menaxheri i Mançester Junajtedit, skocezi Aleks Ferguson, ka lavdëruar skuadrën e Barcelonës.


Dy finalistët e Ligës së Kampionëve, Junajted dhe Barcelona, do të
takohen në këtë fundjave në një ndeshje miqësore në prag të fillimit të
sezonit të ri të garave.


Sipas Fergusonit, skuadra katalonase aktualisht është ekipi më i mirë në botë.


“Nëse ata nuk do të jenë me lojtarët më të mirë, atëherë ne do të
luajmë me futbollistët më të mirë që kemi. Mendoj se do të jetë një lojë
interesante. Paraqitja e Barcelonës dhe të arriturat e tyre në tre
vjetet e fundit ka bërë që ata aktualisht të jenë ekipi më i mirë në
botë. Ne aktualisht jemi në vendin e dytë dhe jam i lumtur që jemi në
këtë pozite. Sfida jonë është që të arrijmë nivelin në të cilën ndodhet
Barcelona”, ka thënë skocezi.