Edhe pse akuzohet për vrasje masive, njeriu që ka tronditur Norvegjinë e mbarë botën, do të dënohet vetëm 21 vjet. Për çudi, ky është dënimi më i gjatë që ofron sistemi i drejtësisë në Norvegji. Shumë pak vrasës në Norvegji kalojnë në burg më shumë se 14 vite. Madje edhe ata që janë dënuar me maksimumin e lejuar, mund të lirohen pasi kanë kryer 2/3 e dënimit, e shumë prej tyre përfitojnë liri pa mbikëqyrje në fundjavë që pasi kanë kryer 1/3 e dënimit. Numri i të burgosurve në Norvegji është ndër më të ulëtit në Europë, me vetëm 66 persona pas hekurave për 100 mijë banorë.