Gjykata e Tiranës ka miratuar vërtetimin që përcakton Lulzim Bashën
si kryetarin e ri të Bashkisë Tiranë. Basha, i shpallur si fitues i
zgjedhjeve lokale të 8 majit depozitoi dy ditë më parë kërkesën për
njohjen e vendimit që e përcakton atë si kreun e ri të bashkisë së
kryeqytetit.
Elbana Lluri, e cila mori në shqyrtim kërkesën e avokatit të Bashës,
për njohjen e vendimit të Komisionit Qendror të Zgjedhjeve, miratojë
vendimin.
Tashmë mund të thuhet se kemi mbërritur në fund të të gjitha
procedurave ligjore dhe Basha nga fillimi i javës së ardhshme mund të
kryej betimin si kryetari i ri i bashkisë së kryeqytetit.
Për tu pëcaktuar pritet rruga se si Basha do të marrë detyrën e re.
Varianti i parë dhe ajo që cilësohet si procedurë normale është miratimi
nga Këshilli i Bashkisë. Ndërsa varianti tjetër është miratimi nga
Prefekti i Tiranës.