Kolegji Zgjedhor ka rrëzuar kërkesën e Partisë Socialiste duke lënë kështu në fuqi vendimin e KQZ-së. Sipas burimeve të para, mësohet se vendimi i Kolegjit Zgjedhor flet për lënien në fuqi të rezultatit të shpallur nga KQZ-ja sipas së cilit Lulzim Basha konsiderohet fitues me 81 vota në avantazh.


Në këtë mënyrë, Kolegji njohu veprimin e numërimit të votave në kutitë e gabuara dhe cilësimin e tyre si të vlefshme. Gjyqtari Tom Ndreca bëri të ditur vendimin duke deklaruar se ai është i formës së prerë.