Lewis Hamilton me McLaren është fituesi i Çmimit të Madh të Kinës, garës së tretë sezonale të kampionatit botëror të Formulës 1.

Piloti britanik ka lënë pas pilotët e Red Bull, Sebastian Vettel dhe Mark Webber. Australiani Webber ka bërë një garë të mrekullueshme duke u nisur nga vendi i 18 dhe duke përfunduar i treti.

Në vend të katërt makina tjetër McLaren me Jenson Button që lë pas Nico Rosberg me Mercedes.

Tjetër paraqitje e dobët e Ferrarit me Felipe Massa dhe Fernando Alonso në vend të gjashtë dhe të shtatë.

Michael Schumacher (Mercedes), Vitaly Petrov (Renault) dhe Kamuy Kobayashi (Sauber) mbyllin renditjen e 10 të parëve.