Kampioni në fuqi i Evropës, Interi, është eliminuar nga Champions League, kurse Schalke kualifikohet në gjysmëfinale. Schalke edhe në ndeshjen e kthimit ka shënuar fitore, por kësaj here me shifra 2:1, ndërsa në Gjyzepe Meacca pati fituar me rezultat 5:2 dhe me shifrat të përgjithshme 7:3 ka eliminuar Interin. Në ballafaqimin tjetër çerekfinal, Reali fitoi ndaj Tottenham-it me rezultat 1:0 dhe rezultati i ndeshjes së parë 4:0, kësisoj me shifra të përgjithshme 5:0 eliminuan skuadrën angleze.

Në minutën e 45-të Jurado për bukuri e ka gjetur të pambuluar Raulin, i cili i vetmuar ka mashtruar edhe portierin dhe shënoi për shifrat 1:0. Në pjesën e dytë pikërisht në minutën e 49-të, interistët e barazuan rezultatin 1:1 nëpërmjet Thiago Mottës, i cili ka shfrytëzuar një pakujdesi të mbrojtjes vendase.

Në minutën e 81-të, Schalke kalon në epërsi me rezultat 2:1. Raul me maje të syrit e ka vërejtur të vetmuar Howedes, i cili futet me shpejtësi brenda 16-shit dhe me gjuajtje të fortë ka lënë fjetur portierin e Interit, Cesar.

Tottenham – Reali, 45 minuta e pjesës së parë përfunduan pa gola (0:0). Në pjesën e dytë, në minutën e 50-të, Khedira, futbollist i palodhshëm ka shërbyer me top Cristiano Ronaldon, i cili ka shënuar për shifrat 0:1. Me një fjalë, Schalke e Reali kremtojnë kualifikimin, kurse Interi e Tottenhami në ferr, duke u eliminuar nga gara më e fuqishme evropiane. Në gjysmëfinale takohen: Barcelona – Real Madridi dhe Manchester Unitedi-i-Schalke 04.

Rezultatet

Tottenham – Real 0:1 (0:4)

Schalke – Inter 2:1 (5:2)

Shakhtar – Barcelona 0:1 (1:5)

Manchester Utd – Chelsea 2:1 (1:0)