Çifti suedez sëbashku me foshnjën 6 muajshe u përball me tre katastrofa natyrore

Pas martesës në nëntor, Erika 32 vjeç dhe Stefan 38 vjeç, bashkë me vajzën e tyre, atëherë vetëm 6 muajsh, u nisën për në një muaj mjalti përrallor. Plot katër muaj udhëtim në anën tjetër të globit, gjë që shumë shpejt do të rezultonte muaj mjalti katastrofash. Çifti suedez sëbashku me foshnjën Elinor u përballën me tre katastrofa natyrore ndër më të rëndat të dhjetëvjecarëve të fundit, përmbytjet e paprecedenta në Australi, tërmetin në Christchurch në Zelandën e Re si dhe tërmeti e cunami vrasës në Japoni.

Fatmirësisht të tre arritën të kthehen shëndoshë e mirë në shtëpi. “Gjithçka filloi me stuhinë në Gjermani që na bllokoi për një natë. Pastaj vazhduan zjarret në pyjet e Perthit, musonet dhe stuhitë në Bali e Indonezi. Ndaj shkuam në Cairns, në Queensland në Australia e na kapi cikloni Yassi që sikur të na i kishte bërë për inat ishte më i rëndi i dhjetëvjecarëve të fundit”, tregon Erika. “Morëm avionin për në Zelandën e Re”, vijon Stefan. “Nëna ime na telefonoi pikërisht kur po mbyllnim telefonat në bord e na pyeti ku jeni? Mos jeni në zonën e tërmetit? Nuk e dinim ende për çfarë po fliste. …

Në fund shkuam në Tokio, në Japoni kur na kapi tërmeti”, vazhdon rrëfimin Erika. Më të lumtur se kurrë që janë kthyer në shtëpi pas një muaji mjalti më të hidhur se Pelini, Stefan dhe Erika Svanstrom nuk dinë të thonë janë me fat apo jo. Për Erikën pjesa më e vështirë edhe se përballja me tërbimin e natyrës mbetet strehimi në qendrat e evakuimit, fjetja mbi beton e rrethuar nga 2500 njerëz që gërhasin.