Bjellorusia është kundërshtarja e vetme e grupit që nuk ka pësuar gol. Shqipëria, e para që mund ta ndëshkojë
Mungesa e 33-vjeçarit në ndeshjen e parë në Bjellorusi u ndie shumë
në fazën sulmuese të kombëtares sonë. Hamdi Salihi është ai që ndoshta e
shtyn më kollaj topin në rrjetë, por pa ndihmën e Bogdanit goli mbetet
shumë i vështirë për t’u arritur.
Josip Kuzhe pa dyshim që do ta aktivizojë qysh nga minuta e parë, për
ta vënë nën presion kundërshtarin me shtatlartësinë e tij. “Dua të
shënoj një gol tripikëshi për Shqipërinë,” - deklaron Bogdani. Për të
rezultati pozitiv duhet të vijë me lojë të mirë: “Nëse barazojmë me lojë
të keqe, do ta konsideroja humbje.”
13 gola ka shënuar gjithsej Bogdani me kombëtaren në
60 ndeshje të zhvilluara gjithsej. Rekordi mbahet nga Alban Bushi, me
14 gola.
11 vjet ka Erjon Bogdani në Serinë A. Ai transferua
në vitin 2000 nga Kroacia, për t’u bërë pjesë e Rexhinës e më pas e 5
skuadrave të tjera
- Kuzhe ka grumbulluar vetëm dy sulmues të mirëfilltë, ju dhe Salihin…?
- Kjo është një pyetje për trajnerin. Për të gjithë lojtarët e
grumbulluar kjo ndeshje është shumë e rëndësishme. Do të jemi në
dispozicion të trajnerit, për të luajtur sa më mirë. Duhet të jemi të
mobilizuar dhe ta përgatitim në mënyrën më të mirë këtë ndeshje.
Bjellorusia është një ekip modest, por nuk ka pësuar gol. Luajmë në
Tiranë, ndaj duhet të fitojmë.