Fëmijët i duan ëmbëlsirat. Nëse mësohen që në vegjëli të hanë embelsira të ndryshme, çokolata, bonbone, ata do të mësohen me shijen e tyre të ëmbël dhe do të duan ti hanë ato çdo ditë.

Të rriturit i japin fëmijëve ëmbëlsira më së shpeshti nga shprehia: “të gjitha hanë ëmbëlsira, prandaj edhe fëmijët e mi”, këtë do e ndëgjoni më së shpeshti. Jo rrallëherë ndodh që gjatë shëtitjes në park, në shtëpi, apo në gosti, madje edhe në dyqane, fëmijëve iu japin ndonjë bonbone, çokolatë, apo qese të patatinave. Kjo shprehi e fëmijëve i bën ata konsumues të rregullt të shumë ëmbëlsirave dhe prodhimeve të njelmëta të cilat nuk përmbajnë asnjë përbërës ushqyes.

Nëse fëmija juaj më me dëshirë i ha çokolatat apo embelsirat sesa drekën apo darkën, ja disa këshilla të cilat i kanë pregatitur ekspertët e Universitetit të Miçigenit, të cilat mund të ju ndihmojnë që të zvogëloni sasinë e ëmbëlsirave të cilat fëmijët në raste të shpeshta do ti hanin:

• Lejojini një sasi të caktuar të ëmbëlsirave, por mos i heqni tërësisht nga ushqimi fëmijes. Nëse bëni tabu nga ëmbëlsirat, fëmija vetëm se do të dëshirojë më shumë ti hajë. Prandaj ëmbëlsira – po, por me masë.

• Kurre mos mbani pako të shumta të ëmbëlsirave në kuzhinë. Nëse fëmijët tuaj e kuptojnë që nëpër raftet e kuzhinës ka pako çokolatash apo bonbonash, ai natyrshëm do të dëshirojë ti hajë ato në moment. Më mirë mbani pemë të thata apo të freskëta.

• Kur ti jepni fëmijes ëmbëlsirë, bëjini të ditur sasinë e ëmbëlsirës e cila i lejohet për atë rast. Nëse thoni “do ta kesh një copë” atëherë fëmijes jepini vetëm atë sasi.

• Mundohuni ti ruani embelsirat per desert, ne vend qe ti jepni ato si zevendesim ne mes vakteve kryesore. Mes vakteve do te duhet te permbanin peme apo qumesht (ushqime qumeshtore). Ne kete menyre, femija nuk do te beje shprehi te haje embelsira mes vakteve./bebaime/