KF Partizani është klub futbolli i themeluar më 4 shkurt të vitit 1946 në Tiranë si klub perfaqësues i Ministrise së Mbrojtjes Popullore (ndjek shembullin e skuadres serbe Partizan nga Beogradi). Skuadrat e ushtrise ne futboll ishin në modë asokohe në vendet totalitare. Më 1947 debuton në ligën e parë të futbollit shqiptar ne saje te skuadres se formuar duke grabitur lojtaret e skuadrave rivale ne kampionatin e ardhshem. KF Partizani cilësohet si klubi me më shume tifoza në Shqipëri. Tifoza ka jo vetëm në rradhet e ushtrise, por edhe ne fshatrat me te thelle të Shqipërisë.
Ky klub i futbollit deri më tani ishte 15 herë kampion në Kategorinë Superiore shqiptare, ka fituar 15 tituj në kupat kombëtare dhe ka fituar 2 herë Superkupën e Shqipërisë. Gjithashtu Partizani ka fituar 1 herë Kategorinë e Parë ne sezonin e vetem që ka luajtur në këtë kategori. KF Partizani nuk e gezon titullin e kampionit qe nga viti i larget 1993.

Kampion ne Superligë 1947, 1948, 1949, 1954, 1957, 1958, 1959, 1961, 1963, 1964, 1971, 1979, 1981, 1987, 1993

Fitues i Kupës së Shqipërisë 1948, 1949, 1957, 1958, 1961, 1964, 1966, 1968, 1970, 1973, 1980, 1991, 1993, 1997, 2004

Është një ndër skuadrat më të njohura shqiptare në arenën ndërkombëtare, kështu KF Partizani ka marrë pjesë tetë herë në ligën e kampionëve Evropian, tri herë në kupën e UEFA-së, një herë ka luajtur për kupën Intertoto, katër herë për kupën e fituesve të kupave dhe pesë herë për kupën e Ballkanit. Rezultatet më të sukseshme kanë qënë fitoret 1-0 kundër Celtic dhe Torinos në Tiranë.