Ish-presidenti Xhorxh H. W. Bush sot u kthye në Shtëpinë e Bardhë për të
marrë Medaljen prestigjioze të Lirisë, nderi më i lartë civil që jepe
në Shtetet e Bashkuara. Zoti Bush, presidenti i 41-të i Shteteve të
Bashkuara, është njëri prej



15 personaliteteve të shquara që ju dha medalja nga Presidenti Barak
Obama.

Mes personave të tjerë që morën sot medaljen janë
Kancelarja gjermane Angela Merkel, kongresmeni John Lewis, figurë e
rëndësishme e lëvizjes së të drejtave civile të viteve ’60; Xhin Kenedi
Smith, motra e ish-presidentit Xhon Kenedi, ish ambasadore e SHBA në
Irlandë dhe aktiviste e njohur për zhvillimin e artit dhe për personat
me kufizime fizike; po ashtu medalja ju dha pas vdekjes, aktivistit
humanitar Tom Little, mjek okulist, të cilin e vranë talebanët në
Afganistan gushtin e kaluar, ndërsa punonte për një organizatë
humanitare.

Medaljen e morën sot dy personalitete legjendare të
sportit amerikan, lojtari i bjesbollit Stan Musial dhe basketbollisti i
famshëm Bill Rasell, i cili e ka udhëhequr skuadrën “Boston Celtics” në
fitoren e titullit Kampion për 11 herë .

Medalja e Lirisë u
krijua nga Presidenti Harry Truman në vitin 1945 për të nderuar
ushtarakët e shquar që morën pjesë në Luftën e Dytë Botërore. Presidenti
Kenedi e zgjeroi gamën e medaljes në vitin 1963, duke ua dhënë edhe
njerëzve që kanë shënuar arritje në fushën e arritjes së paqes.