Dorëzohet Mubarak. Presidenti egjiptian jep dorëheqjen pas 30 vjetësh

Arlo

Arlo

♫ Stafi Administrues ♫

Shteti:

Gjinia: Male

Antarësuar Me: 08/05/2008
Numri i postimeve: 20243
Pikët: 36649
Votat: 248
Titull i Preferuar: Kur t'bohesh ti me m'tregu sa vlej......une ja fus jetes Replay !!

Presidenti egjiptian Hosni Mubarak është dorëzuar para presionit të madh të demostruesve opozitarë egjiptianë, të cilët duket se tashmë ia kanë arritur plotësisht qëllimit të tyre. Në ditën e 18 të protestave masive të opozitës, Mubarak ka dhënë dorëheqjen nga posti i presidentit të Egjiptit, duke ia deleguar kompetencat, zëvendësit të tij Omar Sulejman, i cili bëri publik edhe vendimin për dorëheqjen. Sulejman ka deklaruar gjithashtu se tashmë fati i Egjiptit do të jetë në dorën e Këshillit Suprem të Forcave të Armatosura dhe se së shpejti do të nisin reformat e propozuara nga presidenti tashmë i dorëhequr. Duke iu referuar njoftimeve të mëparshme të mediave Egjiptiane, Mubarak ishte larguar nga Kajro. Deklarata e dorëheqjes së Mubarak është pritur me entuziazëm nga demonstruesit në Sheshin Tahrir në qendër të Kajros, të cilët duartrokisnin dhe këndonin “Egjipti është i lirë”. Deklarata e djeshme e Mubarak, i cili u shpreh se nuk do të dorëhiqej deri në zgjedhjet e Shtatorit, shkaktoi reagime të ashpra. Sipas autoriteteve egjiptiane, një person humbi jetën dhe 20 të tjerë u plagosën pas përplasjeve mes protestuesve dhe policisë në provincën Al-Arish në rajonin e Sinait verior. Presidenti amerikan Barak Obama e ka mirëpritur dorëheqjen e Mubarak

1 Dorëzohet Mubarak. Presidenti egjiptian jep dorëheqjen pas 30 vjetësh prej 12/2/2011, 00:15

Arlo