Aut Cesar, aut nihil! (Ose Cezar ose asgjë), thotë një sentencë latine.
Ndërsa kushti i kreut të AKR- Behgjet Pacolli, për të hyrë në koalicion
me PDK-në, është ose posti i presidentit ose kalon në opozitë! Kryetari i
AKR së citohet të ketë thënë se këtë ia ka bërë të qartë edhe Hashim
Thaçit gjatë bisedave telefonike që i kanë pasur ditëve të fundit.
Jozyrtarisht edhe drejtues të AAK-së thonë se do të hyjnë në qeveri
vetëm nëse marrin postin e kryeministrit. Mejithatë, ndërkohë AAK është
në pritje të certifikimit të rezultateve dhe ftesën e PDK së për të
nisur bisedimet për koalicionin. Meqë LDK ja dhe Lëvizja Vetëvendosje
kanë bërë të qartë se nuk do të hyjnë në asnjë mënyrë në koalicion me
PDK në, mbetet të shihet nëse PDK ja do t'ua plotësojë kushtin AKR së që
Behgjet Pacolli të bëhet president dhe AAK të marrë postin e
kryeministrit. Bisedimet për formimin e koalicionit qeverisës do të
fillojnë në momentin e marrjes së mandatit nga PDK. Pra siç shihet,
partnerë potencialë për PDK në mbeten AAK, AKR dhe minoritetet.